Силни земјотреси!
Земјотреси – нешто што влева страв во срцата на луѓето, нешто од што трпки ни поминуваат по снагата – феномен и појава пред која стоиме стаписани, вџашени, наполно немоќни, гледајќи како нашите куќи и нашиот имот – сиот наш животен труд – се претвора во купишта урнатини и пепелиште.
Уште првите подмолни, придушени кобни татнежи, пред да настапат потресите со својата разурнувачка моќ, кај нас предизвикуваат морници и ужасна паника, при што губиме ориентација и обезумени прекутрупа бараме спас.
Последици: човечки жртви, материјална загуба, нагла сиромаштија, неизвесна иднина, а пред сè, грозни глетки кои нè обременуваат со тешка доживотна жалост поради разделбата со нашите најблиски и најмили суштества, затрупани некаде под тешките урнатини или приклештени меѓу столбови или бетонски греди и плочи.
Можеби земјотресите станале наше секојдневје со кое веќе сме се соживеале и сме го прифатиле како нешто вообичаено и нормално. Сме отрпнале и сме станале рамнодушни кон сè што се случува околу нас. Тие кај нас не побудуваат веќе посебни чувства и реакции, освен ако се случат во наша непосредна близина. Но деновите што ни идат во пресрет грубо ќе нè тргнат од таа летаргија во која сме западнале, зашто сегашните земјотреси, колку и да се силни и страшни, се само лесен удар со чекан по малечкиот прст во споредба со оние што допрва нè очекуваат.
Не е најважно прашањето како настануваат земјотресите. За нив науката нема вистинско објаснение, не може да ги предвиди ниту да ни укаже ефикасна заштита. Очигледно е дека се случуваат големи тектонски промени и сеизмички поместувања во земјината кора, гигантски напрегања и џиновски раседи на слоевите во пазувите на земјата, бездни големи и долги и до стотина километри во кои се струполуваат огромни одрони, како планини, при чијшто удар се ослободува енергија со колосални размери која може да парчоса цели континенти или да ги придвижи еден кон друг.
Христос кажува дека „ќе има силни земјотреси“ (Лука 21,11), земјотреси со силен, разурнувачки интензитет. Да се навратиме пак на библиските пророштва кои ја опишуваат последната фаза низ која минува нашата земја за време на своите „последни денови“:
„Ќе се растресат темелите на земјата. Земјата ќе се разбие грозно, земјата ќе се распука страшно, земјата ќе се стресе силно, земјата ќе се залула како пијан човек, ќе се затетерави како колиба“ (Исаија 24,18-20).
„Ја гледам земјата: пуста е… Ги гледам горите: ете, се тресат, а сите ридови се нишаат. Гледам: ете, … сите градови ги разурна Господ со жестокоста на својата јарост“ ( Ер. 4,23-26).
„И настапија молскавици, татнежи, громови, и настана силен земјотрес, каков што никогаш немало откако постојат луѓе на земјата, толку голем и толку силен земјотрес… И сите острови исчезнаа, и горите веќе не се најдоа“ (Откровение 16,18.20).
Некогаш на нашата земја постоеле земјотресни подрачја, одделни региони каде што имало земјотреси. Тоа обично биле крајбрежните приморски региони. Но Божјите пророци не гледаат локални и регионални земјотреси. Нивното око гледа како целата планета Земја се тресе силно, како целата се тетерави како пијан човек, се разбива грозно, се распукува страшно; апостол Јован гледа силен земјотрес, најсилен, каков што никогаш немало откако постојат луѓе на земјата, толку голем и толку силен земјотрес, така што и островите исчезнуваат и горите ги снемува. – Страшно, грозоморно, но неодминливо, болно вистинито!
Планетата се обезличува, ја менува својата конфигурација. Почвата се издигнува, се набира како морски бранови. „Господ Бог над војските, Тој ја допира земјата, и таа се тресе, и сите жители на неа ќе затажат; се издига сета како Нил“ (Амос 9,5).
Нејзината површина пука. Се чини како нејзините темели да попуштаат. Горите се повиваат како трска на ветер, а на сите страни се одронуваат и се тркалаат џиновски карпи. Тонат планински синџири и настануваат огромни кратери и безмерни амбиси и бездни. Исчезнуваат населени острови во разбеснетите бранови, ги снемува морските пристаништа. – Нешто досега невидено, недоживеано.
Рихтеровата и Меркалиевата скала се премногу малечки за да го мерат интензитетот на тие земјотреси кои со својата жестокост илјадници градови претвораат во купишта урнатини и гробишта на милиони загинати луѓе.
„Сите градови ги разурна Господ со жестокоста на својата јарост“ – читавме пред малку. Величествените градби и раскошните палати, гордоста и славата на световните моќници и големци, кои го растурале своето богатство за да се прослават со нив, се распаѓаат и исчезнуваат пред нивните очи. Земјата ја отвора својата утроба и на мошне свиреп начин ги прибира во своите пазува и богатите, заедно со нивното богатство, и сиромасите со нивната сиромаштија.
Во продолжение следат поднасловите од поглавјето „Знаците на последното време“. Кога ќе кликнете врз поднасловите, ќе ви се отворат нивните текстови.
ЗНАЦИТЕ НА ПОСЛЕДНОТО ВРЕМЕ
Близу е времето кога светот ќе го погоди силна болка која не ќе може да ја ублажи никаков човечки балсам и мевлем, кога никој не ќе може мирно да спие. Божјиот Дух се повлекува од земјата. Со заслепувачка силина и едноподруго, ненадејно и неочекувано, се нижат...
Оган, вулкани!
Очигледно е дека за време на силните земјотреси се случуваат, како што рековме, гигантски тектонски нарушувања, сеизмички поместувања и промени во земјината кора – тонат џиновски планински масиви, исчезнуваат острови, се јавуваат непрегледни кратери и процепи и...
„Ќе покажам знаменија горе на небото и знаци долу на земјата: крв и оган и шикање на дим … столбови од дим. Сонцето ќе се претвори во темнина, а Месечината во крв, пред да дојде големиот и страшен Господов ден“
Меѓу другите знаци на земјата, апостол Петар и пророкот Јоил во своите пророштва многу јасно најавуваат еден ист знак карактеристичен за последните денови, пред да настапи „големиот и славен“, односно, „големиот и страшен Господов ден“: „шикање на дим“, односно,...
Бог има своја богата ризница во која го чува своето оружје за бој во „големиот и страшен Господов ден“ со кое праведно ќе се пресмета со гревот и грешниците
Земните длабини претставуваат Господова ризница со Господов арсенал од кој е земено оружјето што е употребено при уништувањето на претпотопниот свет. Во таа пригода водата што избивала од земјата се споила со водата што паѓала одозгора и опустувањето било целосно. Во...
И водите во сојуз и спрега со земјотресите и вулканите против човештвото!
Катастрофални земјотреси ја толчат и сè повеќе ќе ја толчат, вулкани ќе ја столчат, а силни води ќе ја дотолчат нашата планета. Тоа е страшна спрега меѓу трите најмоќни природни сили што ќе се устремат против нашиот свет да го уништат. „Стравотија, јама и стапица се...
„Ќе има знаци на сонцето, на месечината и на ѕвездите… небесните сили ќе се разнишаат!“
И небесните сили – небесните тела, како што кажуваат други преводи – ќе се разнишаат! Меѓу тие небесни тела што ќе се разнишаат, Исус ги спомнува сонцето, месечината и ѕвездите, а кон нив можеме да ги додадеме и кометите, метеорите, метеоритите и астероидите...
„На земјата тага кај народите и неизвесност поради бучавата на морските бранови!“
Да се навратиме пак на веќе споменатата спрега на најмоќните природни сили кои со сета жестокост ќе се устремат против човештвото за да го истребат од земјата, и поподробно да ја разгледаме мислата за катастрофалните поплави, мислата за бучавата на силните морски...
Астероид од шест милји
Повеќе за најразурнувачките ефекти предизвикани од огромните бранови што би ги подигнал астероид од 6 милји кој би се урнал во океан! Еве како го опишува тоа Newsweek: „Кога астероид од 6 милји би го погодил Мексиканскиот Залив, тој би создал бран висок 3 милји (над...
Други знаци кои го најавуваат крајот
„Природните катастрофи се сè почести и пожестоки, како во богатите, така и во сиромашните земји, уништувајќи животи, инфраструктури, институции и државни биланси. Тоа е еден експлозивен коктел кој може да создаде опасен вакуум на подрачјето на светската безбедност…...
Војни
Наскоро на нашиот свет ќе се случат огромни промени и последните движења ќе бидат многу брзи. Светот не ќе може да фати чекор со нив, избезумен е и во паника. Нашиот Спасител најавува војни и гласови за војни; се дига народ против народ и царство против царство...
„Ајде сега, вие богати, плачете и липајте… своето богатство го натрупавте во последните денови!“
Економијата во светот е во криза. Најголемите економски сили, како што се САД, Јапонија и други, се во страшни долгови, а некои и во колапс. Неразвиените земји и да не ги споменуваме. Големите политички и економски промени не донесоа голем напредок во источните земји....
Се распаѓа јатката на општеството – семејството
Во контекстот на пророштвата за последното време ги приведуваме и следните Христови зборови: Се дига татко против син и син против татко, мајка против ќерка и ќерка против мајка, свекрва против снаа и снаа против свекрва (Лука 12,53), секој секому му е виновен и се...
Ќе има глад
„Наспроти помошта, во Африка сè повеќе бегалци, гладни, жедни и болни“ – читаме во печатот и слушаме во јавните гласила. Според пророштвото, „последните денови“, покрај другите неволји, ќе ги притиска и тежок глад, ламја која се заканува да го голтне човештвото!...
Помори
Во „последните денови“ човештвото ќе го мачат помори и болести – кажува нашиот Спасител. И тоа е еден од знаците кој укажува на близината на крајот. Точно е дека отсекогаш имало болести и епидемии кои многупати во историјата десеткувале одделни народи и цели региони...
