За медитацијата и медитирањето

Зборот „медитација“, „медитира“, доаѓа од санскритскиот збор medha,, кој буквално значи „го лоцира својот центар, својата внатрешна мудрост“. Сега медитацијата се проучува и му се одобрува секому, почнувајќи од гуруите во долга бела облека, па сè до лекарите.

При медитацијата човекот сите свои умни способности и свесни активности, својата свест и сите свои мисли и замисли ги исклучува од надворешниот свет и истите ги пренасочува кон својата внатрешност. Се нурнува длабоко во себеси и запловува во своето внатрешно битие каде што се сретнува со својата внатрешна мудрост, се запознава со своето повисоко „јас“, со својата „повисока свест“, со својот „внатрешен бог“, каде што ги открива и ги активира своите внатрешни капацитети и потенцијали, со што својот внатрешен свет го приготвува за средба и сообраќај со надворешниот космички свет, се поврзува со универзаланата космичка енергија и плови низ вселената.

За една успешна медитација потребни се насоки:

Создавање на навика, одредено време, посебно внимание му се обрнува на дишењето, разбистрување на умот, и потреба од посета на некој курс за медитација.

Создавањето на имагинација и визуелизација за своето вдишување и издишување претставува строго ориентален облик на индуцирање на изменета состојба на свеста. Од каде изменета состојба на свеста? При медитацијата човекот постепено го намалува интензитетот на дишењето (во определени случаи во состојба на медитација луѓето намерно го запираат дишењето, сведувајќи го на нула, при што свесно умираат за да го забрзаат кармичкиот процес на реинкарнација и побргу да постигнат нирвана), со што се намалува и дотокот на кислород во мозокот, кој не може нормално да функционира. Медитиентот паѓа во транс, при што нормалната свест му се исклучува, а на сцената настапува неговиот внатрешен, имагинарен свет, кој не може да го контролира. На сцената настапува неговата „повисока свест“, неговото „повисоко јас“, настапуваат хипнотички состојби придружувани со разни халуцинации и привиденија, при што божемното флуидно тело го напушта физичкото тело и на замислени крилја или во вселенски бродови се вивнува во вселената на авантуристички вселенски патувања.

Втренченото гледање во пламенче на свеќа претставува метод кој го користат многу следбеници во хиндуизмот, будизмот и Њу ејџ, како што е Ширли Мек Лејн. Таа втренчено гледа во пламен сè додека самата не се хипнотизира.

Празнењето на умот претставува уште еден елемент на ориенталната медитација. Курсевите по медитација исто така.

Ориенталната медитација или кој било вид медитација, која е поврзана со облиците на автохипноза и посматрања во визија, е окултна, мистична и духовно опасна.

Она што го нуди медитацијата не е ништо друго освен призивање на духовите, што е основа на спиритизмот. Њу ејџ всушност е само закамуфлиран, модерен спиритизам – контакт со демоните. Поради тоа, библискиот Бог тоа строго го осудува и го забранува!

Во продолжение следат поднасловите од поглавјето „Спиритистичкиот скелет на новата светска религија „Нова Епоха“ (New Аge)“. Кога ќе кликнете врз поднасловите, ќе ви се отворат нивните текстови.