Верата не е извор на спасение ниту е спасител
„Зашто по благодат сте спасени, преку вера, и тоа не е од вас самите – тоа е Божји дар! Не од делата, за да не се фали некој“ (Ефесците 2,8.9). – „Сола Грација“ – спасение само и единствено со Божјата благодат. Ако нашето спасение е апсолутно продукт на Божјата благодат, тогаш каква е улогата на нашата вера во нашето спасение?
Сте паднале во амбис! Наидува некој кој ви подава јаже за да ве извади од него. Оној горе, што ви го подава јажето, ви вели: „Фатете се за јажето и цврсто држете се за него и јас ќе ве извлечам од амбисот!“ Вие сте послушале, и спасени сте од сигурна смрт.
Јажето не е ваш спасител. Ваш спасител е оној што ви го подал јажето и кој ве извлекол од амбисот во кој сте паднале. Единствена ваша улога била таа што вие сте го послушале неговиот повик и што сте се фатиле и цврсто сте се држеле за јажето додека тој не ве извлекол надвор. Јажето било само помошно средство и во вашите раце и во рацете на вашиот спасител со чијашто помош тој ве спасил.
Или, сте паднале во река во која сте се давеле. Некој од брегот ви подал стап и ве извлекол на суво. Ваш спасител не е стапот, туку оној кој ви го подал него и кој ве извлекол на брегот. Единствена ваша улога во сето тоа била таа што вие сте се фатиле за стапот и што цврсто сте се држеле за него додека вашиот спасител не ве извлекол од водата во која сигурно би се удавиле. Додека сте длабоко во амбисот и додека се давите во матните води на реката, вам не можат да ви помогнат никакви ваши заслуги ниту какви било ваши добри дела за да се избавите од смртта која ви била повеќе од сигурна.
Јажето и стапот се онаа спасителна вера со којашто нашиот Спасител, Исус Христос, ги извлекува грешниците потонати во амбисот на гревот, кои се дават во матните води на беззаконието! Извор на спасението и спасител не е верата, туку Христос. Верата е единствено средство со чијашто помош Тој ги спасува грешниците од гревот.
Да заклучиме! Спасение не со наши заслуги и не со наши дела! Спасение не со вера и дела – односно не со вера плус дела! Спасение само и единствено „по благодат преку вера во Исуса Христа“ (Галатите 2,16).
Во продолжение следат поднасловите од поглавјето „Спасението е плод на нашата вера, а не на нашите дела“. Кога ќе кликнете врз поднасловите, ќе ви се отворат нивните текстови.
СПАСЕНИЕТО Е ПЛОД НА НАШАТА ВЕРА, А НЕ НА НАШИТЕ ДЕЛА
Сфаќањето на некои грчки филозофи на стариот век дека душата може да живее и надвор од телото влијаело врз учењето на одделни теолози во христијанската ера, па традиционалната Црква развила пракса врзана за грижа на душата којашто го напушта човекот во мигот на смртта...
Божјата благодат визави нашите добри дела
Господ за царот Давид кажува: „Го најдов Давида, синот Есеев, човек според моето срце, кој ќе ја исполни сета моја волја“ (Дела 13,22). Но тој Божји човек, Давид, го изневерил Бога, направил мошне тежок грев. За што се работи? Ќе споменеме само неколку подробности кои...
Спасението на никој начин не може да се заработи како плата
Ако на кој било начин ние би можеле спасението да го заработиме со нашите заслуги и со нашите добри дела како плата, во извесна смисла тоа би значело дека Бог е должнен да нè спаси. Тоа значи дека Бог нешто ни должи и негова обврска е да ни го исплати тој свој долг...
За вредноста на добрите дела
Но, откако сме го прифатиле спасението со вера како милосен дар од Бога, откако сме расчистиле со нашето грешно минато и сме станале Божи деца, Божји синови и ќерки, ситуацијата од темел се менува. Како резултат на спасението што сме го добиле од Бога, Бог сега од нас...
Покајание
За спасение ни се потребни вера и покајание. Но без помош од Светиот Дух ние не можеме дури ни да се покаеме. Светото писмо кажува за Христа: „Него Бог го издигна со својата десница за поглавар и Спасител, да му даде на Израел покајание и проштавање на гревот“ (Дела...
Божјата љубов најсилен поттик за грешникот да се врати во прегратките на својот небесен Татко
Станува збор за загубениот син кој, откако го прокоцкал својот дел од имотот што го добил од својот татко, живеејќи блудно во далечна земја, и откако западнал во екстремно тешка и бедна положба како селски свињар, постигнувајќи го на тој начин апсолутното дно на...
Во продолжение следи содржината на книгата „Времето и знаците“. Кога ќе кликнете врз насловите и поднасловите, ќе ви се отворат нивните текстови.
