Избрани за спасение

„Ги земам денес за сведоци против вас небото и земјата дека пред вас ставам живот и смрт, благослов и проклетство. И така, избери го животот… за да живееш ти и твоето потомство.“ (5. Мојсеева 30,19)

„Меѓутоа, ако не ви е угодно да му служите на Господа, тогаш денес изберете кому ќе му служите… а јас и мојот дом ќе му служиме на Господа.“ (Исус Навин 24,15)

Значи спасението е наш избор. Нашите одлуки ја одредуваат нашата судбина и во текот на животот и за вечноста. Нашата иднина не е одредена, нашиот крај никаде не е запишан на почетокот на нашиот живот.

Луѓето во античко време сметале дека нивните богови се сурови господари кои каприциозно се играат со човечкиот живот; човекот за нив е играчка. Што и да се направи, добро или зло, судбината ќе се исполни – песимистички мора да се очекува да се исполни волјата на боговите. Што можел да стори тука човекот во тоа време? Можеби можел да им принесува жртви на боговите или да им држи фалбоспеви за да ги смилоса. Но морбидната драма на Софокле ги учела дека судбината не може да се избегне.

Според Светото писмо, постои предопределеност не како однапред донесена одлука кој ќе биде спасен, а на кого му е наменета вечна смрт, туку како можност за еден или за друг исход. Според тврдите сфаќања за предопределеност, на некои ниту нивната цврста вера ниту животот според Божјите закони не можат да им помогнат, зашто веќе се определени за проклетство. Ваквото застранување, коешто е прифатено во некои протестантски средини, нема темел во Светото писмо; тоа се противи не само на здравиот разум, туку и на суштината на карактерот на Творецот – на неговата бескрајна добрина и љубов спрема човештвото што го создал.

Господ вели: „Пред вас ставам живот и смрт, благослов и проклетство.“ И нè советува: „Избери го животот… за да живееш ти и твоето потомство.“ (5. Мојсеева 30,19)

Во продолжение следат поднасловите од поглавјето „Предестинацијата на библискиот кантар“. Кога ќе кликнете врз поднасловите, ќе ви се отворат нивните текстови.