Космички Христос

Теологијата на Њу ејџ го чека Христа или Маитреја  да се врати како „светски водач“ и како „светски учител“ кој управува со судбината на големите религии за да му помогне на човештвото при преродбата за време на земниот милениум. Но тој Христос од Њу ејџ не е библискиот Исус Христос, зашто неговите учења се различни од учењето на Писмото.

Маитреја е наречен „Учител на светот“ и, како што беше кажано, според филозофијата на Њу ејџ, за христијаните тој треба да се појави како Христос, за муслиманите како Имам Махди, за Ориентот како Бодисатва, во Индија како Кришна и за Евреите како Месија (Христос) кој го надминува историскиот Исус Христос и зазема повозвошено место од него.

Теологот на Њу ејџ, Метју Фокс, ги опишува карактеристиките на овој Христос од Њу ејџ:

„Оваа книга зборува за светото и за нашиот однос и стравопочит кон светото: Свето, што? Свето сè. Свето создавање: ѕвездите, галаксиите, китовите, земјта, водата, дрвјата, луѓето, мислите, телото, сликите; света сеприсутност на божественото во сè. Западниот изрз за овој Божји лик, претставен во сè, е ‘космички Христос’… Кое создание се осмелува да оспори дека тоа е бесмртен дијамант? Оригинален благослов/лик на божественото? Моите сознанија кажуваат  дека единствено човечкиот вид се осмелува да се откаже од своето божество, се осмелува да го побие космичкиот Христос.“1

Човекот е божествен, а космичкиот Христос е конечна манифестација на оваа идеја. Метју Фокс го отфрла историскиот Исус од сценариото на светските настани и го заменува со космички Христос:

„Ако мојата теза е исправна, тогаш е време историскиот Исус да го замениме со космички Христос и тоа ќе помогне да се распрска искривената религија и псевдомистичното движење на нашето време кое популарно е познато како ‘фундаментализам’, а понекогаш се нарекува и ‘христофашизам’… Во оваа книга повикувам на растурање на либералната религија и на прифаќање на вера во мистичен, пророчки и космополитски светоглед…“2

Интересно е тоа што во оваа книга христијаните кои веруваат во Библијата се нарекуваат фашисти.

Њу ејџ го чека Маитреја кој ќе помогне да се воспостави една светска влада, еден монетарен систем и една религија.

Новата религија е земјоцентрична. Овој тип на религија е практикуван во Вавилон. Тоа е искуствена религија која ги насочува верниците кон состојба на транс, кон соништа, визии, погаѓања, спиритизам, магии, вражање, волшебства, амулети, солистички ритуали, обожавање на змија па дури и на таканаречени свети сексуални ритуали.

Според учењето на Њу ејџ, космичкиот Христос ќе го преземе престолот на Свети Петар во Рим и ќе го почне вистинското апостолско наследство. Значи, „Господарот Исус“ својот престол ќе го премести во Рим. Маитреја го користи изразот „Господар Исус“ како мамка. Сепак, тој ја издигнува папската столица до положба и авторитет кои се идентификуваат со неговите принципи. Во разни приказанија Маитреја тврди дека Божјиот закон  што тој сака да го спроведе мора да биде папската верзија на Десетте заповеди од која е исфрлена втората заповед, а четвртата е променета. Очигледно е дека тој ќе се поврзе со овој лажен закон кој потекнува од Рим. Визионерите на Марија и нејзините приказанија поттикнале исти тврдења. Истите сили дејствуваат мошне складно.

Сатаната упатува на настаните што ги предвидел Христос и кои имаат врска со библискиот есхатон, односно со крајот на историјата на светот. Тој воведува лажни доктрини за милениумско царство на оваа земја. Тој ќе се појави по многубројни лажни христоси. Секаде во светот мнозина тврдат дека се месија, но кога ќе се појави Маитреја, ќе се случуваат чуда.

Во продолжение следат поднасловите од поглавјето „Последна и најголема измама на спиритизмот „Нова Епоха“ (New Аge)“. Кога ќе кликнете врз поднасловите, ќе ви се отворат нивните текстови.