За бројот  666

Една од карактеристиките на папството или на ѕверот е бројот 666.

„За ова е потребна мудрост. Кој има ум нека го пресмета бројот на ѕверот, зашто тој број е на човек, а неговиот број е шестотини шеесет и шест“ (Откровение 13,18).

Современите толкувања на ова пророштво бројот 666 го применуваат на еден компјутер во Брисел и велат дека овој број претставува систем на регистрација на секој жител на земјата кој треба да стане подложен на новата економска политика на новиот светски поредок. Но да си поставиме прашања: Дали овој компјутер 1260 години ги прогонувал светите? Дали кажал дека тој е Бог, дека „седнал во Божјиот храм и се претставил себеси дека тој е Бог“? Дали тврди дека може да проштава гревови? Текстот јасно кажува дека тоа е број на човек, но исто така и број на ѕверот. Дали бројот 666 се применува на папството, на „беззаконикот“, на „антихриста“, на „богохулникот“, споменати во Писмото?

Латинскиот јазик е службен јазик на Католичката црква. Според католичката теологија, папата ја претставува Црквата. Една од службените титули на папата е „Викариус Фили Деи“ (Vicarius Filii Dei) – „Заменик“ или „Намесник на Божјиот Син“. Ова го потврдуваат папските канони кои биле издадени во минатото.

„Одговарајќи на прашањето на еден читател, католичкиот дневник Our Sunday Visitor од 18 април 1915 г. одговорил: ‘Буквите врежани во митрата на папата (неговата свештеничка круна) се овие: Vicarius Filii Dei, што е латински превод на титулата ‘Заменик на Божјиот  Син’. Католиците сметаат дека Црквата, која е видлива заедница, мора да има и видлива глава.“32  Латинските букви имаат бројна вредност и титулата Vicarius Filii Dei има збир од 666 ((V=5, I=1, C=100, U=5, L= 50 i D =500 – – вкупно 666).

За папата како Христов заменик (намесник) на земјата да повториме неколку извештаи кои веќе беа приведени во претходните поднаслови:

Лутер: „Страшно е да се погледне човекот кој себеси се смета за Христов заменик, кој покажува величественост со која не може да се мери ниту еден цар…“

Малахи Мартин (Malachi Martin), огнен католик и некогашен језуит, автор на книгата „Клучевите на оваа крв“ (The Keys of This Blood)33 за папата  Јован Павле II кажува:

„Во последната анализа Јован Павле II, како именуван Христов заменик, тврди дека тој е конечен суд на правдата за општеството како заедница на државите.“

Папата Лав ЏИ XIII: „Ние (папите) на оваа Земја го заземаме  местото на Севишниот  Бог.“

За папата како „Божји заменик на Земјата“ го имаме и следниот историски запис:  „… Божји заменик на Земјата.“34

Бонифацие VIII: „Бог и јас, Божјиот намесник, имаме една намера … Тогаш за што можете да ме сметате мене, освен за Бог?“35

На 29 април 1922 г. во ватиканската престолна сала било присутно големо мноштво од кардинали, бискупи, свештеници, монахињи и други. Во знак на почит, сите ги превиткале своите колена пред оној кој бил пред нив. Од својот престол им се обратил папата Пие XI, кој рекол: „Вие знаете дека јас сум Свети Отец, Божји претставник на Земјата, Христов намесник (викар), што значи, јас сум Бог на Земјата.“36

Денес постојат многу теории за жигот на ѕверот и за неговиот број. Некои од тие теории ѕверот го поврзуваат со чудовишен поединец или со џиновски компјутер некаде во светот, кој ги содржи сите инфорамции на граѓаните како поединци. Но ништо од сето тоа. Без никаква основа се толкувањата за некаква компјутерска идентификација на бројот и за всадени компјутерски чипови кај секој жител на земјата за да може во секој миг да биде достапен за контрола. Подоцна, кога ќе проучуваме за жигот на ѕверот, ќе видиме дека тоа се однесува на папството.

Како што видовме, малиот рог или папството играло многу значајна улога и оставило многу грди лузни во светската историја и затоа не е можно тоа да се проучи само во еден наслов со неколку поднаслови. А бидејќи папството ќе биде  центар и стожер и на идните светски настани кога, според библиските пророштва, тоа светот сигурно и целосно ќе го стави под своја палка, речиси сите контексти на книгава бараат од нас повеќе пати да се навраќаме на него. Особено интензивни проучувања за него ќе уследат при крајот на книгава, кога ќе зборуваме  за ѕверовите во Откровението и за вавилонската блудница.

Во продолжение следат поднасловите од поглавјето „Папскиот Рим е континуитет на империјалниот или многубожечкиот (паганскиот) Рим“. Кога ќе кликнете врз поднасловите, ќе ви се отворат нивните текстови.