„Ќе помислува да ги измени времињата и законите“ (Даниел 7,25)

Кој било католички катихизис ќе потврди дека папството го променило Божјиот закон. Беше кажано дека втората Божја заповед, која забранува обожавање на икони, статуи и дрги идоли, е исфрлена од католичкиот катихизис. За да биде надоместена таа заповед, десеттата е поделена на две заповеди. Четврттата заповед, која се однесува на саботниот ден (единствена заповед која зборува за времето), во католичкиот катихизис станува трета заповед, а денот за богослужение со папски декрети се преместува од седмиот на првиот ден во седмицата (од сабота на недела). Големиот папски говорник, д-р Ек, кој се сретнал со Лутера во 1553 година, кажува:

„Во евангелијата, во списите на апостол Павле и во целата Библија воопшто, не се спомнува престанок на саботата и воспоставување на неделата. Тоа го воспоставила апостолската (Католичката) Црква надвор од Светото писмо.“14

Католичкиот свет кажува: „Црквата ја зела паганската филозофија и од неа направила тврдина на верата против паганите. Таа го зела римскиот Пантеон, храмот на сите богови, кои ги похристијанизирала, заменувајќи ги со христијански маченици, и така стои сè до денес. Таа го зела паганскиот ден на сонцето (Sun day) и го претворила во христијанска недела (Sunday). Го зела паганското воскресение (Easter) (во чест на божицата Иштар) и го прогласила за празник кој ние го празнуваме во тој период. Соцето било врховен бог за паганите.  Навистина постои нешто кралско, нешто царско во Сонцето, што го прави пригоден амблем на ‘Сонцето на правдата’ – симбол на Исуса. Според тоа, Црквата во овие земји како да кажала: ‘Задржете го тоа старо паганско име (денот на сонцето – Sun day). Тоа ќе остане свето, посветено.’ И така, паганската недела, посветена на Валдера, станала христијанска недела, посветена на Исуса.“15

Според католичкиот катихизис, моралните прашања ги одредуваат Десетте заповеди, но не Десетте Божји заповеди од двете синајски камени плочи, напишани со Божји прст, што се наоѓаат во Библијата, туку десетте заповеди што ги дефинирал католичкиот црковен отец Августин (354-430)

„Уште од свети Августин, Десетте заповеди заземале предоминантно место во катихизисот за кандидатите за крштавање и за верните… Катихизисите на Црквата често ја разјаснувале христијанската моралност следејќи го редоследот на Десетте заповеди. Поделбата и нумерирањето на заповедите во текот на историјата варирале. Сегашниот катихизис ја следи поделбата на заповедите што ја утврдил свети Августин, и таа поделба станала традиционална во Католичката црква.“16

Какво признание што вчудовидува! Не Десетте заповеди онака како што ги дал Бог во Библијата, туку онака како што ги дефинирал Августин, и тие, дефинирани така од човек, ја сочинуваат основата на католичкиот морал, стануваат десет заповеди на Католичката црква кои се разликуваат од Десетте Божји заповеди во Библијата!?

Во продолжение следат поднасловите од поглавјето „Папскиот Рим е континуитет на империјалниот или многубожечкиот (паганскиот) Рим“. Кога ќе кликнете врз поднасловите, ќе ви се отворат нивните текстови.