Сегашната морална состојба на РКЦ

Во последно време светскиот печат и другите средства за јавна комуникација изнесоа на виделина потресни настани што се случувале во Католичката црква во поново време, настани од кои здивот ни застанува и костата на главата ни се дига. Беа документирани масовни случаи на сексуална злоупотреба на мали невини деца од страна на католички свештеници. Ние мислевме дека таквите, и слични на нив гадости, за кои читавме во претходните поднаслови, за Католичката црква се историско минато, врзани за нејзината средновековна историја. Но, непријатните вести што ги слушавме силно нè удрија по глава и нè натераа да размислуваме поинаку. Да проследиме неколку извештаи што ги објавија светските медиуми:

Кога вестите за сексуално малтретирање на деца (педофилија) од страна на католичките свештеници во Соединетите Држави ја изнесоа на виделина таа гнасотија и тоа злосторство од највисок ранг пред јавноста, еден американски проповедник од Бостон, во Масачусетс, рече: „Тоа е несфатливо. Откритијата беа толку вчудовидувачки и шокантни, што нема начин овој материјал да се интегрира во некој вид разумен редослед на настаните.“

„Под водство на папата Јован Павле II Католичката црква се соочи со еден од најголемите црковни скандали. Откриена е широка мрежа на сексуална злоупотреба на деца од страна на католичките свештеници во САД и низ цел свет. Црквата реагираше така што се обиде проблемот да го сведе на минимум, изјавувајќи дека печатот направи голема работа од еден изолиран инцидент. Подоцна на виделина излезе дека во секоја од над 170 црковни бискупии во САД постоеле повеќекратни случаи на сексуална злоупотреба на деца и дека Црквата исплатила над 900 милиони долари само во САД во судски процеси против Црквата. Ова ги покрива само случаите каде што жртвите ја тужеле Црквата на суд. Во најзабележаниот случај, кардиналот Бернард Ло (Bernard Law), кој е обвинет и прогласен за виновен, зашто ја помагал и ја поддржувал педофилијата, наместо да оди во затвор, тој со добредојде е поздравен во Ватикан, каде што добил удобна работа и активно учествувал во службите на Ватикан, водејќи една од погребните миси и учествувајќи во конклавата која го избрала следниот папа.“80

На 19.1.2011 година Хрватски дневник (Dublin, 19.01.2011., 12:39 | J.G.) ги објави следните информации: „Ватикан ги предупредил ирските бискупи да не ја пријавуваат сексуалната злоупотреба на децата… Објавено е писмо од 1997 година во кое Ватикан ги предупредува ирските бискупи да не ѝ ги пријавуваат на полицијата случаите на сексуална злоупотреба на децата… Ирските свештеници добиле забрана да соработуваат со полицијата… Писмото го објавила ирската телевизија RTS, а група на сексуално злоупотребуваните жртви писмото го гледа како доказ дека Црквата намерно ги прикривала доказите за свештениците педофили. Во 1996 г. се појавил првиот бран на откривање на сексуална злоупотреба и Ватикан во писмото ја одбил иницијативата на ирската црква која сакала да ѝ помогне на полицијата при идентификацијата на свештениците злосторници. Писмото го потпишал покојниот надбискуп Luciano Storero, дипломат на папата Јован Павле II во Ирска… ‘Писмото има големо меѓународно значење, зашто докажува дека Ватикан ги спречувал извештаите за сексуалната злоупотреба, и ако тоа се правело во Ирска, се правело и секаде на друго место’, уверен е Colm O’Gorman од ирскиот Amnesty Internationala.“

„Католичката црква во Лос Анѓелес со децении штитела свештеник наспроти масовните забелешки за сексуална злоупотреба на деца. На духовниците сè до 80-те, откако обвинувањата станаа познати, им било дозволено да работат со деца во црквите, известува Los Angeles Times со цитат од сега објавените документи. Таму се документирани стотици сексуални напади на деца во Црквата од 60-те години. Во договор меѓу Црквата и адвокатите, објавени се документи за 500 сексуално злоупотребувани деца.“81

Според податоците, во последните 50 години повеќе од 4.000 свештеници во САД се обвинети за сексуално малтретирање на деца. Од скандалот што изби поради педофилија во црквата во Бостон во 2002 г., Католичката црква во САД исплатила повеќе од 1,5 милијарди долари отштета на тужителите, а вкупната сума исплатена поради педофилија на католичките свештеници изнесува повеќе од три милијарди долари. Најголемата збирна отштета до сега изнесува 100 милиони долари исплатени во 2004 г. во калифорниската бискупија Orange.”82

„До сега најспектакуларен е случајот на John Geoghan. Овој ‘Божји човек’ меѓу 1962 и 1998 г. направил престап кај најмалку 150 деца. И него едноставно го преместиле од една парохија во друга. Дали е тоа крај на Црквата? Службено не постојат бројки, но, според проценките, уделот на хомосексуалните свештеници во индустриските земји е близу 50% – а во световното население околу 10%.“83

„Педофилски скандал ја тресе Австралија, под сомневање се католички свештеници.“ „По низа скандали во кои се вмешани католички свештеници, австралиската премиерка наредила опсежна истрага. Главниот полициски инспектор, Питер Фокс (Peter Fox), кој тврди дека поседува ‘непобитни’ докази за своите обвинувања, смета дека ‘еден надбискуп, бискуп и свештеник’ прикривале педофилија во долината Хантер (Hunter), 170 км северно од Сиднеј. По тие обвинувања, Нов Јужен Велс повел истрага во почетокот на ноември. Слична истрага се води во државата Викторија, каде што Католичката црква во септември признала дека свештениците од 1930 -те полово искористувале најмалку 620 деца. (Hina)84

При својата посета на Америка во април 2008 г. папата Бенедикт XVI во Америка како последица на сексуалните малтретирања на малолетниците. Длабоко сме посрамени и нашите зборови не можат да ја опишат болката и штетата што се нанесени со тие злоупотреби.“

„Факт е дека свештеничкиот целибат никогаш не функционирал. Според мислењето на некои историчари, веројатно тој предизвикал повеќе штети за моралот отколку која било друга институција на Запад, вклучувајќи ја и проституцијата… Доказите за штетите создадени со целибатот не доаѓаат од пристрасните антикатолички извори. Напротив, тие произлегуваат од папските и концилските документи и од писмата на реформираните светци. Сите тие потврдуваат дека целибатот не бил свеќа во лошиот свет, туку дамка за името на христијаните.“85

„Докторите по медицина и психолозите истакнуваат дека присилниот целибат на свештениците неприродно ја ограничува нормалната сексуална желба кај мажите. Од таа причина, многу свештеници сексуално се изразуваат со мали невини деца, со млади жени, или со жени на други мажи. Наспроти овој феномен, и фактот дека присилниот целибат е целосно небиблиски, ‘најрешително дело во почетокот од понификатот на Јован Павле II беше делото со кое тој повторно го потврди свештеничкиот целибат.’“86

Несфатливо! Ужасно! Болно! Одбивно! Свештеници, слуги на Севишниот Бог, сексуално да злоупотребуваат невини мали деца, и тоа во денешно време! Само еден свештеник сексуално злоупотребувал повеќе од 150 деца! А што да кажеме за Средниот век кој е зад нас, кога Црквата повеќе од 12 века светот го држела во мрак, кога имала апсолутна контрола како апсолутен господар над населението, кога свештениците биле богови и се однесувале како богови, со врховна власт во своите раце? Општо земено, стотици илјади, а можеби и милиони мали невини деца, момчиња и девојчиња, се сексуално злоупотребени, без никаква можност да се противстават и да го дигнат својот глас тие, или нивните родители, против тоа гнасно злосторство и против злосторниците кои ги вршеле тие гнасотии и гадости над нив. Тие се силувани, обесчестени, понижени, осрамотени, упропастени… Израснале во луѓе обезвредени, отчовечени, со наведена глава, без човечко достоинство, без ниту малку светла иднина, без ниту трунка животна радост и среќа. Што гледале и што виделе Божјите очи? Што запишале Божјите ангели во небесните книги за тие злосторници? Да, Божјите ангели виделе и запишале сè, ги виделе и ги запишале сите тие злосторства и гнасотии со кои злосторниците и гнасниците ќе се соочат на Божјиот суд кој ќе им одмери праведна казна.

Во продолжение следат поднасловите од поглавјето „Историјата на традиционалната христијанска Црква е премногу грда, мрачна и мачна, страшна и гнасна!“. Кога ќе кликнете врз поднасловите, ќе ви се отворат нивните текстови.