Христос е Јахве/Јехова
Што значи зборот Јахве/Јехова? Во старите еврејски библиски текстови Јахве/Јехова е име за Бога. Ова име на грчки се преведува со зборот „Кириос“ или „Теос“ и на латински со „Доминус“, а кај нас со „Господ“ и „Бог“.
„Очекувајќи ја блажената надеж и јавувањето на славата на нашиот велики Бог и Спасител, Исус Христос“ (Тит 2,13). – Исус Христос во Новиот завет е „велики Бог и Спасител“, ни кажува апостол Павле. Името Исус е еврејски збор Јехошуа (Yahshua) и значи „Јахве е спас“. Според тоа, Тој е носител на истото старозаветно име Јахве/Јехова, кој требало да дојде на нашиот свет според следното пророштво на Исаија 40,3: „Пригответе му го на Јахве патот низ пустината. Израмнете ја патеката на нашиот Бог во степата!“ Ова пророштво апостол Матеј го применува на Исуса: „Тој е оној за кого пророк Исаија рече: ‘Гласот на оној кој вика во пустината: ‘Подгответе го патот на Господа (на Јахве), исправете ги неговите врвици“ (Матеј 3,3). Апостол Павле ова пророштво ни го објаснува вака: „Бог се јави во тело“ (1. Тимотеј 3,16). Тоа значи дека силниот старозаветен Јахве/Јехова се оваплотил од Светиот Дух и се родил како бебе од девојка Марија и добил име Исус или Јехошуа (Yahshua)
Друг текст: „Го видов Господа како седи на висок и возвишен престол. Над него стоеја серафими… и си велеа еден на друг: ‘Свет! Свет! Свет е Јахве над војските!’“ (Исаија 6,1-3). Ова пророштво (свет е Јахве) апостол Јован го применува на Исуса: „Исаија го рече тоа кога ја виде неговата слава (славата на Јахве, славата на Исуса пред своето воплотување)“ (Јован 12,37-42).
Уште неколку од многубројните библиски докази дека Христос е Јахве/Јехова:
Христос е Јахве-Творец: „Помни си да го празнуваш саботниот ден! Шест дена работи и сврши ги сите свои работи! А седми ден е сабота, одмор посветен на Јахве, твојот Бог… Зашто Јахве за шест дена ги создаде небото, земјата, морето и сè што е во нив, а во седмиот ден се одмори. Затоа Јахве го благослови и го посвети саботниот ден“ (2. Мојсеева 20,8-11).
Веќе видовме дека Бог Отецот не создал ништо. „Без Речта (без Христа) не настана ништо од она што настана“ (Јован 1,1-3). И ако без Христа не настанало и не е создадено ништо, тогаш Творец е Христос. А ако Христос е Творец на сè, тогаш Христос е Јахве, чиешто име во Десетте заповеди се спомнува осум пати, трипати само во четвртата заповед.
Христос е Јахве-Карпа: „Ќе го возвишувам името на Јахве… Тој е карпа, делото му е совршено… Тој е верен Бог… Ја занемаруваш Карпата што те донесе на свет…“ „Чујте ме, вие, кои… го барате Јахве; погледајте ја Карпата од која сте отсечени.“ „Надевајте се во Јахве довека, зашто Јахве е вечна карпа.“ „Сите пиеја иста духовна напивка, зашто пиеја од духовната Карпа која ги придружуваше, а Карпата беше Христос“ (5. Мојс. 32,3.4.18; Исаија 51,1; 26,4; 1. Коринќаните 10,4).
Значи, таа старозаветна Карпа што ги придружувала, што ги засолнувала и водела Израелците низ пустината, Тој силен и семоќен старозаветен Јахве/Јехова, кажува апостол Павле, беше и е Христос.
Христос е Јахве-Спасител и во Стариот и во Новиот завет: „Јас сум Јахве, нема спасител освен мене“ (Исаија 43,10.11). Во Новиот завет: „Денес во Давидовиот град ви се роди Спасителот кој е Христос Господ“ (Лука 2,10.11).
Христос е Јахве-Откупител и во Стариот и во Новиот завет: „Вака говори Јахве, вашиот Откупител, Израеловиот Светец“ (Исаија 43,1.2.14). Во Новиот завет: „Христос нè откупи од проклетството на законот, откако стана проклетство за нас“ (Галатите 3,13; 4,4.5).
Во продолжение следат поднасловите од поглавјето „Христос е вечен Бог“. Кога ќе кликнете врз поднасловите, ќе ви се отворат нивните текстови.
ХРИСТОС Е ВЕЧЕН БОГ
Сведоците на Јехова тврдат дека „Божјиот Син (Христос) е прво создание што го создал Бог со свои раце“1, прво создадено живо суштество во вселената и поради тоа Тој, како создание, не е еднаков со Бог Отецот и не е вечен Бог. Оваа небиблиска наука се појавила во 4...
Христос е Син Божји, но и Син човечки
Во Библијата Христос ни е прикажан како „Син Божји“, кој му припаѓа на Божеството, на Тројството, како Бог со вечна Божја природа, но и како „Син човечки“, со човечка природа, роден од девојка Марија, кој му припаѓа на човештвото. На земјата, како Син човечки, Тој...
Библијата силно го потврдува Христовото божество
Сам Христос тврди за себе дека е Бог: „А кога им ги изми нозете (на учениците), Исус ја зеде својата горна облека и пак прилегна крај трпезата и им рече: ‘Сфативте ли што ви сторив? Вие ме нарекувате мене учител и Господ, и право велите, зашто тоа сум. И така, ако...
Јехова и јеховистите
Рековме дека во старите еврејски библиски текстови Јехова е име за Бога и дека тоа име на грчки се преведува со зборот „Кириос“ или „Теос“ и на латински со „Доминус“, а кај нас со „Господ“ и „Бог“. По грешка при преведувањето во 14 век по Христа настанал неточен...
Христијаните едновремено се сведоци на Јехова и сведоци на Христа
Прашање: Чии сведоци сме ние верниците, Јеховини или Христови? Јехова (Господ) во Исаија 43,10 им кажува на своите слуги: „Вие сте ми сведоци!“ Но и Христос на своите слуги им кажува: „Ќе ми бидете сведоци во Ерусалим... и сè до крајот на земјата“ (Дела 1,8). Според...
И Христовото воскресение е профанирано
Нашите браќа јеховисти имаат многу чудно и наполно небиблиско сфаќање и за Христовото воскресение. „Исус воскреснал како духовно, невидливо суштество“5, пишуваат сведоците на Јехова. „Телото во кое Исус е измачуван не е истото она тело во кое Тој станал од гробот“6...
Во продолжение следи содржината на книгата „Времето и знаците“. Кога ќе кликнете врз насловите и поднасловите, ќе ви се отворат нивните текстови.
