Второ воскресение и втора – конечна смрт
А „другите мртовци (грешниците) не оживеаја (не воскреснаа) додека не се навршија илјада години“. Значи, илјада години по второто Христово доаѓање ќе се случи второто воскресение во кое ќе воскреснат сите грешници кои не го прифатиле милостивиот Христов повик на покајание и кои до крај останале грешни. Тие сега стануваат, воскреснуваат, за да се соочат со дефинитивната казна за своите гревови, за кои паѓаат под удар на втората, неодминлива, неотповиклива и конечна смрт што ќе се случи во огнено езеро, смрт која нема власт над оние што воскреснале во првото воскресение. За разлика од првото воскресение, во кое воскреснуваат праведните во преобразени, прославени и бесмртни тела, во второто воскресение, кое ќе се случи илјада години подоцна, воскреснуваат грешниците во истите грешни тела, стануваат такви какви што умреле: грешни, бунтовни, расипани, отчовечени, пак смртни…
Во светлината на овие библиски вистини илузорно е да расправаме со господин Милин кој тврди дека „покајанието, крштавањето и преобратувањето се еднакви на воскресение“, и дека, наводно, „првото воскресение всушност е крштавањето“. Многу далеку од вистината, зар не! Тој ги присилува текстовите во Лука 15,32 и Римјаните 6,23 да му дадат такви докази, што воопшто од нив не може да се извлече таков доказ.
Чудни филозофии во врска со воскресението: Независно од тоа колку јасно Новиот завет зборува за буквално воскресение на Исуса, некои либерални теолози, попречени од чисто научен и рационален световен поглед на светот, сметаат дека воскресението не било вистинско. Наместо тоа, тие тврдат дека воскресението треба да се смета за миг, слика на еден нов воскреснат живот кој можеме да го имаме овде и сега, ако и кога ќе ги прифатиме Исусовите морални учења.
Иста теологија за првото воскресение, како Православната, имаат и Лутеранско-аузбуршката и Пуританско-вестминстерската конфесија. Според нив, воскресението на праведните или првото воскресение од Откровение 20 глава се идентификува со новото раѓање (преобраќање) и не е буквално. Нивната теологија тврди дека постои само едно единствено воскресение и на праведните и на грешните. Меѓутоа, Библијата не познава такви теологии. Таа јасно кажува дека има две посебни буквални воскресенија од мртвите: воскресение на праведните пред милениумот и воскресение на грешните по милениумот.
За конечниот крај на гревот и грешниците ќе зборуваме при крајот од книгава, кога пак ќе се навратиме на двете воскресенија.
Во продолжение следат поднасловите од поглавјето „Две смрти и две воскресенија“. Кога ќе кликнете врз поднасловите, ќе ви се отворат нивните текстови.
ДВЕ СМРТИ И ДВЕ ВОСКРЕСЕНИЈА
Во продолжение следат поднасловите од поглавјето „Две смрти и две воскресенија“. Кога ќе кликнете врз поднасловите, ќе ви се отворат нивните текстови. Во продолжение следи содржината на книгата „Времето и...
Исус ги повикува мртвите да станат од правот, од гробот – не да се вратат од рајот, ниту од пеколот
Во претходниот наслов со неговите многубројни поднаслови видовме дека мртвите навистина заминуваат во своите гробови, заминуваат во правот од кој се создадени - и никаде на друго место - чекајќи таму воскресение. Божјата реч кажува дека Бог ќе застане над гробот, над...
Прва, привремена смрт, и прво воскресение
Во Откровението Јован зборува за „прво воскресение“ (Откровение 20,5), а штом има прво, има и второ воскресение. Исто така тој зборува за „втора смрт“ (20,14; 21,8), а штом има втора, има и прва смрт. Очигледно е дека прва смрт е Адамовата смрт во која заминуваат...
Во продолжение следи содржината на книгата „Времето и знаците“. Кога ќе кликнете врз насловите и поднасловите, ќе ви се отворат нивните текстови.
