Паганизмот го парчосал и скелетот на библиското христијанство, го протерал Христа од него и станал негова срцевина

Познат е случајот како се покрстила римската војска и го прифатила христијанството. Константин им наредил на своите војници, безброј илјадници: „Поминете низ реката Ибар, и кога ќе излезете на другиот брег, вие сте веќе крстени христијани!“

Драги мои, како што беше кажано, кошот на христијанството се полнел со такви христијани кои немале поим што е тоа вистинско христијанство, кои биле крстени со вода, но не и со духот на евангелието. И Константин, кој се слави како светец во црквата, е повеќекратен убиец – убил двајца свои блиски роднини, својот роден син Крисп, а можеби и својата втора сопруга, Фауста. Така непреобратени, многубошците со себе го понеле и го внеле во христијанството и своето поранешно многубоштво и паганство. Го внеле и „денот на сонцето“ со кој го замениле саботниот ден; ги внеле и своите божества кои ги христијанизирале, прекрстувајќи ги со христијански имиња и заменувајќи ги со христијански светци. Така христијанството, сега како државна религија, е контаминирано со безброј многубожечки контаминенти.

Со еден збор, под налетите и притисоците на силната и доминантна римска, паганска религија, со своите многубројни божества и помпезни ритуали поврзани со нив, голем број многу важни, стожерни библиски вистини, со помош на компромиси меѓу државните и црковните авторитети и водачи, славожедни и честољубиви, се изменети, потиснати и наполно заборавени. Паганството го парчосало и скелетот на библиското христијанство, го протерало Христа од него и станало негова срцевина. Од библиското христијанство останало само името. Неговата историска наметка е сошиена од платно исткаено не на небесните, туку на историските човечки разбои, чијашто основа и јаток не се златните нишки на библиската наука, туку пајажината на многубожечките пагански религии.

Во продолжение следат поднасловите од поглавјето „Црковната историја за паганството кое го проникнало христијанството“. Кога ќе кликнете врз поднасловите, ќе ви се отворат нивните текстови.