Божјите ангели како посредници меѓу Бога и грешниците

Никаде, ниту во Стариот, ниту во Новиот завет, немаме ниту еден запис дека Бог праќал од небото светци да им помагаат на луѓето на земјата. Напротив, и во Стариот и во Новиот завет Бог од небото на луѓето им праќал само ангели да им донесат вест или помош.

Божјите ангели го гледаат Божјето лице, не светителите и светците. „Гледајте да не презрете едно од овие мали, зашто ви велам, нивните ангели на небесата секогаш го гледаат лицето на мојот небесен Отец.“ (Матеј 18,10)

Бог ги задолжил своите ангели да бидат наши помошници на оваа земја. Еве неколку библиски записи за тоа:

„За ангелите, пак, е речено: ‘Ти ги правиш своите ангели ветрови, и своите служители огнен пламен… Нели се тие сите служителски духови, пратени да им служат на оние што ќе го наследат спасението“ (Евреите 1,7.14). „Ангел Господов се улогорува околу оние кои се бојат од него и ги спасува“ (Псалм 34,7). Еден ангел ги убил сите првенци во Египет (2. Мојсеева 12,29). Еден ангел за една ноќ убил 185 илјади асирски војници кои дошле да војуваат со Израел (2. Царевите 19,35). Бог ангел му праќа на Маное, на Гедеона, на Лота. На пророкот Елисеј му пратил мноштво свои ангели во вид на огнени коли и огнени коњи кои ја исполните сета гора за да го заштитат од непријателите кои го сардисале за да го убијат (2. Царевите 6,16.17).

Ангел Господов ги избавил апостолите од затвор: „Но преку ноќта ангел Господов ја отвори вратата од затворот и, откако ги изведе, им рече: ‘Одете, застанете во храмот и кажувајте му ги на народот сите зборови на овој живот.’“ Ангел го избавил и апостол Петар од затвор (Дела 5,19.20; 12,1-11).

Господ пратил свој ангел да го спаси апостол Павле и сиот екипаж на бродот кој на патот кон Рим бил зафатен со жестока бура на морето која беснеела многу денови и кој доживеал бродолом. Павле кажува: „Оваа ноќ ми се јави Господовиот ангел, ангелот на мојот Бог на кого му служам, и ми рече: ’Не плаши се, Павле, ти треба да излезеш пред царот; и ете, Господ ти ги дарува сите што пловат со тебе.’“ (Дела 27,23.24)

Почитувани, Бог предвидел неговите ангели, кои се силни, да ни помагаат на патот кон спесението. Меѓутоа, православието и овде ставило свои прсти. Ангелот, кој го избавил апостол Павле од бродоломот што го доживеал на патот кон Рим, православието го заменило со свети Никола кого Црквата го прогласила за светец и заштитник на бродарите. Пренесуваме дел од биографијата на овој православен светец од православниот сајт „Премин Портал“:

Во продолжение следат поднасловите од поглавјето „Библијата за човечките посредници меѓу Бога и грешниците“. Кога ќе кликнете врз поднасловите, ќе ви се отворат нивните текстови.