Неврод и Семирамида

Вавилонците биле ориентално ориентирани не само географски, туку и религиозно – кон Сонцето. Така неговиот главен основач, а и организатор на целиот овој потфат, Неврод, станува основач на сите ориентални религии. Со култот на Неврода, како олицетворение на богот на Сонцето, тесно поврзан е култот на божицата на плодноста, кој потекнува од неговата жена, Семирамида. Со Неврода и со Семирамида веќе се сретнавме во книгава порано.. Семирамида воспоставила верување дека луѓето по смртта ги запоседнуваат своите ѕвезди на небото. Така астрологијата во основа е космичка религија, чијшто темел е верување во бесмртност на душата. Од тогаш таа станува темел на сите пагански верувања. Заедно со Неврода таа ја развила магијата како култ тесно поврзан со свештеничкиот целибат (неженство). Тие редови биле „… верски плашт за да се скријат прељубата, блудот, хомосексуалноста, содомијата (полово општење со животни) и лезбијството. Токму оттаму и води потеклото на римокатоличкиот целибат, кој свештениците ги прикажува како изделени, возвишени и свети. Како и денес, тие верувале дека сакраментот (света тајна) на светите редови (целибатот) е поголем отколку сакраментот брак, што е наполно небиблиски. Калуѓерките биле храмски проститутки, служејќи им на свештениците. Тогаш тие се викале ‘девици весталки’, а денес ‘Христова невеста’“2. Во античкиот период тие активности биле опфатени во „големиот ритуал“ на храмската проституција во магијата.3 За да ги следи настаните на терен и сите тајни на своите следбеници, Семирамида измислила и организирала исповед, уверувајќи го народот дека свештениците имаат власт да проштаваат гревови.4 Луѓето се плашеле да не биде фрлена врз нив црна магија, па морале принудно сè да признаат, со што свештенството со одврзани раце добивало увид во сè што прават нивните приврзаници, контролирајќи ја на тој начин ситуацијата на теренот и држејќи го лаикатот на узда. Оттаму идејата за исповед на уво во традиционалната христијанска Црква, за што е доста зборувано до сега.5 Така Семирамида станува примарна личност, особено по смртта на Неврода, за која пишува античкиот историчар Мајмонид, нарекувајќи го Тамуз. Кога Семирамида направила прељуба и родила син, за да го скрие тоа од јавноста, него го нарекла Тамуз, тврдејќи дека тој е реинкарниран Неврод, кој веќе е прогласен за бог на Сонцето. „Приказните за Неврода, Семирамида и Тамуза се рашириле низ цел свет. Басните станале популарни во митологијата. Измислувани се богови и божици, сите поврзани со овие три личности. Тие станале свето семејство.“6 Од изложениот материјал јасно се гледа дека астрологијата е стара окултна незнабожечка религија посветена на главните древни божества: Сонцето, Месечината и другите пет планети на нашиот сончев систем. Таа е космичка религија.

Во продолжение следат поднасловите од поглавјето „Астрологијата и нејзините апсурди“. Кога ќе кликнете врз поднасловите, ќе ви се отворат нивните текстови.